Bandi san manman ki fè pati baz Gran Grif nan komin Lyankou gaspiye 6 polisye UDMO jodi a nan kad yon operasyon yo t al mennen pou delokalize malfra sa yo. Gen plizyè bandi ki bwè dlo bouch yo tou. Daprè sous nou ka fè konfyans, polisye yo pat jwenn ranfò e yo te anndan yon dispansè. Se komisè gouvènman Sen Mak la Venson François ki konfime nouvèl la.
Finalman bandi sanble pote lamayòl tout bon vre sou enstitisyon polisyè a. Lavi polisye yo pa vo pip tabak devan bandi. Kesyon anpil moun ap poze se kilè Wo Kòmandman PNH la ak CSNPN nan ki gen Ariel Henry nan tèt li ap mete fen nan aksyon bandi nan peyi a.
