Sèvis Kominikasyon Primati Repiblik d Ayiti a anonse nan yon kominike premye minis Ariel Henry ale nan peyi Ajantin pou l al patisipe nan 7e somè Kominote Leta Latino-ameriken ak Karayib yo (CELAC). Somè sila a ap dewoule madi 24 janvye k ap pwoche la a. Pandan PM nan pa la a, se minis Ekomoni ak Finans lan, Michel Patrick Boisvert ki ranplase l. Jean Victor Généus, minis Zafè Etranjè ak Alix Richard ki se sekretè jeneral konsèy minis yo ale tou.
Nan sousi pou ranfòse zanmitay ki genyen ant Ayiti ak peyi Latino-ameriken yo, premye minis la gen pou l chita pou yon ti bat bouch ak plizyè chèf d Eta ak chèf gouvènman pandan somè sa a. Ariel Henry pral pase kèk jou deyò toujou pou deside nan non Ayiti.
