Aprè bandi ki sot ravaje 4e seksyon Belvi Lamontay yo t ap desann, yon bakòp polisye t al bare yo nan wotè Petyonvil nan yon zòn ki rele Metivye, lokalite Doko. Nan echanj kout zam ak bandi yo, gen 3 polisye ki tonbe e gen lòt ki blese ak bal. Bandi yo pote ale plizyè zam polisye yo, pami yo yon T-65 daprè detay nou rive jwenn.
Malgre gen ranfò ki te ale sou plas pou kontrenn malveyan yo, sa pa anpeche anpil polisye viktim de zak reprezay bandi yo ki simen latwoublay nan anpil kwen nan wotè Petyonvil jodi a.
