Sèvis Nasyonal Migrasyon peyi Panama anonse yo voye 8 konpatriyòt ayisyen retounen nan peyi Dayiti akoz yo prezante fo viza nan ayewopò entènasyonal Tocumen. Daprè kominike sa a, moun sa yo te sòti Repiblik Dominikèn e yo t ap pase pa Panama pou ale Salvador. San patipri, Panama voye yo retounen lendi 16 janvye pase a.
Gen yon jeng ki rele Darien, se li menm anpil konpatriyòt toujou pran risk pou yo travèse ale Panama ilegalman. Plis pase 80% sou 134 000 migran ki travèse jeng sa a an 2021 se ayisyen daprè Associated Press.
