Fabiola Dupoux Léger ki se sè David Dupoux te viktim de zak kidnaping jounen madi 17 janvye 2023 a nan komin Taba. Se nèg ak ame jouk nan dan ki te fè dappiyanp sou madanm nan. Kèk èdtan aprè anlèvman sa a, fanmi li konfime bandi yo libere l. Pa gen enfòmasyon ki bay sou kondisyon ansyèn manadjè gwoup Krezi Mizik la rive jwenn libète l.
Se animatè Yvens Désir ki te bay enfòmasyon an sou kont tweeter li touswit aprè anlèvman an. Finalman pa gen pyès moun ki konnen kilès ki gen vrè bagèt la pou estope vàn kidnapnig sa yo nan peyi Dayiti.
