Gen nan jij CSPJ mete sou kote nan sistèm nan pou vòlè tè, poutèt yo bat moun e menm blese yo. Gen youn pami yo CSPJ voye ale paske li te dechèpiye bijou li te jwenn sou yon kadav pandan l t al fè konsta l, daprè sa Métronome rapòte. N ap raple defen prezidan Jovenel Moïse te deklare nan peyi Lafrans yo te fòse l nome 50 jij kòwonpi nan sistèm Jidisyè ayisyen an.
Eskandal sa a mete tout jistis peyi plat atè ankò devan kominote entènasyonal la. Anpil majistra moun te ka pran kòm referans sitou pou pakou yo lage wont sou tèt yo.
