Minis Zafè Etranjè peyi Kanada a Mélany Joly ak minis Defans Nasyonal la Anita Anand fè konnen Fòs Lame kanadyen an voye kèk lòt blennde pou PNH la. Jounen mèkredi 11 janvye a, 2 responsab sa yo fè konnen se avyon militè kanadyen ki pote blennde sa yo yon mannyè pou yo kapab transfere yo bay Chèf Polis Ayiti a ki se Frantz Elbé.
Nouvo ekipman sa yo pral sèvi pou ede polisye ayisyen yo batay kont gang yo e kontinye lite pou retabli lapè ak sekirite nan peyi Desalin nan. Gouvènman kanadyen an di se repons yo bay ak demand gouvènman ayisyen an alòske Ariel Henry ak akolit li yo se entèvansyon militè yo swete.
