Konsansis Nasyonal pou yon Tranzisyon Enklizif ak eleksyon transparent ki te jwenn sinyati 21 desanm 2022 a nan tèt kole ant Ariel Henry ak reprezantan kèk sektè nan peyi a pibliye ofisyèlman nan jounal ofisyèl peyi a ki se “Le Moniteur”. Se nan yon nimewo ki parèt 3 janvye 2023 a li pibliye. Kèk pati tankou OPL, Fanmi Lavalas ak Pitit Desalin pa siyen akò sila a.
Akò sa a ta dwe pèmèt aktè yo òganize eleksyon pou remèt peyi a bay yon dirijan ki jwenn vòt pèp la jou k ap 7 fevriye 2024 la. N ap raple akò sila a bay Ariel Henry aksè pou l pase tout ane 2023 a nan tèt peyi a ap koupe rache.
