Sosyete Sivil nan komin Dezam fè Sou-komisarya a kado 2 dwòn pou konbat bandi nan ba Latibonit la. Desizyon sa a vini aprè wo kòmandman an fin inorige Sou-komisarya sila a ki te pase 13 lane san polisye ladan l. Direktè Depatmantal polis Latibonit la ki te prezan nan seremoni inorigasyon an felisite abitan nan zòn nan pou yon sipò parèy.
Daprè sa enstitisyon polis la fè konnen, inorigasyon Sou-komisarya Dezam nan antre nan kad estrateji Direksyon Jeneral Polis la ap mennen pou kouvri tout espas sou tèritwa nasyonal la ki pat ko gen polisye ladan yo e pou frennen zak bandi yo.
