Nan diskou li t ap pwononse jounen jedi a sou dosye fwontyè Meksik ak Etazini e sou menm dosye migran yo, prezidan Joe Biden deklare atravè yon pwogram imanitè, y ap resevwa 30 mil migran ki sòti Ayiti, Kiba, Nigaragwa ak Venezyela chak mwa. Nan menm moman an, li fè konnen tout moun k ap pase chimen kwochi pou antre Etazini san respè pou kondisyon sa yo, y ap pimpe yo tounen.
Avantaj sa pral jwenn tout moun ki gen nasyonalite sa yo e ki ranpli kondisyon pou sa. Otorite amerikèn yo anonse tou moun sa yo se pa avyon pou yo ateri lòtbò a sinon y ap pran bon jan mezi kont yo.
