Se Justin Trudeau, premye minis kanadyen an ki anonse nouvèl sa a. 2 ansyen konpè Ariel Henry yo fenk kare nan kanpe lwen poutèt 2 towo sa yo gen bon jan relasyon ak gang nan peyi Dayiti, e paske yo patisipe nan gwo zak kòripsyon atravè enfliyans politik yo. Berto Dorcé, ansyen minis Jistis ak Sekirite Piblik epi Litz Quitel, ansyen minis Enteryè pral wè tout byen yo genyen Kanada sezi epi yo p ap ka mete pwent pye yo nan peyi sa a akoz zak malonèt nou site pi wo yo.
Jiska kote n ap pale la a, gen 13 pèsonalite ayisyèn peyi Kanada sanksyone pami yo nou ka site Michel Martelly, Laurent Lamothe, Jean Henry Céant, Joseph Lambert, Rony Célestin…Kanada envite lòt peyi yo pou yo leve pye yo tou pou mete oligak kòwonpi sa yo nan kanpe lwen.
