Direktè rejyon metwopolitèn ki t ap dirije Direksyon Nasyonal Dlo Potab ak Asenisman (DINEPA) te sibi zak anlèvman nan jou pase yo sou wout Frè a. Daprè sa kèk sous rapòte, bandi yo pa libere Lydbenson Théodate vivan. Yo touye l epi jete kadav li sou wout Frè a mèkredi 14 desanm pase a. Anlèvman li an te deja sisite gwo fache nan mitan anplwaye DINEPA yo.
Se chak jou ki pase nèg ak zam ap detwi kad anndan peyi a. Yon lòt gwo chòk pou pitit peyi a alòske gouvènman an ki ta dwe fè yon bagay pou estope krim sa yo, pa janm di anyen jiskaprezan.
