Jean-Baptiste Johnson alyas « Bout John » te konn patisipe nan anpil anlèvman, brakaj, detounman kamyon elatriye. Lapolis nan kad yon operasyon mete fen nan lavi malfra sa a samdi 10 desanm pase a nan lokalite Rosemberg, anndan komin Kwadèboukè. Nan moman yo touye l la, polisye yo jwenn yon pistolè sou li ak lòt materyèl ankò tankou malèt, espikè ak matla moun misye te konn vòlè.
Gang Rosemberg la patisipe nan anpil zak malonèt nan komin Kwadèboukè. Mesye sa touye anpil moun deja e menm vòlò lannwit kou lajounen. Nan moman operasyon ki mennen Kwadèboukè yo, anpil fwa fòs lòd yo konn etenn souf kèk nan yo.
