Twa(3) gòl make nan dezyèm match 8yèm de final la ant Ajantin ak ekip Ostrali a sa ki pèmèt Albiceleste yo ranpòte lamayòl sou ostralyen yo 2 gòl a 1. Messi jwe yon gwo match e se li menm ki te pèmèt ekip Ajantin nan louvri kontè a aprè sa Alvarez ta pral jwenn dezyèm gòl la. Pwochen match ekip ble e blan an se pral fas ak ekip olandèz la nan 1/4 de final.
Dezyèm mitan match sa a te gen anpil entansite ladan l e ajanten yo te rate anpil gòl. Fanatik Ajantin yo kontinye rete vivan nan konpetisyon sa a ki chaje ak sipriz ladan l.
