Lapli sanksyon entènasyonal kontinye ap tonbe sou peyizaj politik la. Otorite amerikèn yo site aktyèl senatè Sant lan Rony Célestin ak ansyen senatè Hervé Fourcand nan zafè dwòg. Rony Célestin konn fè trafik dwòg ant Ayiti ak Venezyela e ant Etazini ak Bahamas. Pou Hervé Fourcand, se avyon prive l li konn itilize nan Sid pou trafike dwòg yo. Tou 2 itilize pozisyon politik yo pou fè pase dwòg yo. Kanada te deja site non mesye sa yo pou menm bagay la.
Eskandal kòripsyon an souse peyi a sòti nan pye jouk rive nan tèt. Anpil ansyen ak nouvo chèf nan peyi Dayiti nan gwo tèt chaje paske yo te toujou konn itilize pozisyon politik yo pou fè sa ki pa sa. Nouvèl sa a vin pote yon ajou nan eskandal sa a ki la depi plizyè jou nan peyi a.
