Jan dosye sa a ye a, sanble Kanada fè erè paske aprè Laurent Lamothe, Gary Bodeau epi Rony Célestin se Jean Henry Céant ki kouri reponn gouvènman kanadyen an. Notè Jean Heny Céant di se karaktè l peyi Kanada bezwen asasine. Ansyen PM nan ale pi lwen pou l di li etone tande non l site pami moun ki konn finanse gang. Henry Céant di li gentan mobilize avoka li Ayiti ak Kanada pou kontrekatre desizyon sa a.
Depi aprè Justin Trudeau, premye minis peyi Kanada a fin pibliye non sa yo, se tankou gout dlo reyaksyon yo ap sòti. Pandan tan sa a, peyi Kanada fè konnen li dispoze bon jan prèv pou dezapwouve akize yo.
