Gouvènman kanadyen an ap frape fò toujou. Lis otorite peyi Dayiti k ap jwenn sanksyon peyi sa a kontinye agrandi kote ansyen prezidan Michel Joseph Martelly ak 2 ansyen premye minis ki se Jean Henry Céant ak Laurent Salvador Lamothe nan kanpe lwen. Mesye sa yo anba sanksyon paske yo konn finanse gang nan peyi Dayiti daprè sa Sébastien Carrière ki se anbasadè peyi Kanada an Ayiti a konfime.
Ansyen gwo bra sa yo nan Leta a, non sèlman yo p ap ka antre Kanada men yo jele byen yo tou. Nouvèl sa a vin konfime a klè pwoblèm gang nan peyi Dayiti se Leta an majè pati ki jere l.
