Sòlda ki fè pati inite Cesfront sou Fwontyè ki separe Ayiti ak Sendomeng arete madanm vis-delege Beladè a ki se Yvasnosky Joachim. Milien Midrène Manessa arete alòske l te abò yon machin avèk anviwon 22 160 katouch. 12 000 ladan yo de kalib 7.62 mm. Madanm vis-delege a jwenn arestasyon l pandan l t ap sot pran pitit li lekòl ak machin mari l e l t ap tante travèse Fwontyè a ak kantite minisyon sa yo.
Tout katouch sa yo sòti dirèkteman nan peyi Etazini pase pa Repiblik Dominikèn pou antre Ayiti. Pa gen pyès enfòmasyon ki sòti pou konnen ki orijin plon sa yo e pou kiyès madanm vis-delege a t ap pote yo. Rete kounye a pou fòs lòd yo eklere antèn popilasyon an sou zafè sa a.
