Lidè pati politik Pitit Desalin nan, Jean Charles Moïse vle pran pouvwa a nan men Premye minis Ariel Henry. Pou sa rive fèt, li mete kanpe yon konsèy tranzisyon ki batize Konsèy Tranzisyon Pèp Souvren (KTPS). Li fè konnen, konsèy sa a gen yon manda yon lane e li gen kòm prezidant Doktè Eugenia Romain ak ansyen senatè Edgar Leblanc kòm vis prezidan. Objektif KTPS la se tabli lapè nan peyi a epi òganize eleksyon.
Nan konferans sa a Sekretè Jeneral pati politik Pitit Desalin nan bay jodi a nan otèl Le Plaza, li mansyone non plizyè reprezantan anndan peyi a nan konsèy sa a. Pami yo nou jwenn non Peguy Jean kòm reprezantan sektè Laprès.
