Widzet Estimable alyas Lodè se non youn nan chèf gang Savyen yo Lapolis mete do atè ayè samdi 22 oktòb la. Se nan kad yon operasyon PNH la t ap mennen pou kontinye deloje gang sa a nan komin Ti Rivyè Latibonit. Lodè te gen plizyè chèf akizasyon ki peze lou sou do l tankou vòl, asasina ak vyòl.
Depi aprè lanmò Odma ki te prensipal chèf gang baz Savyen an, fòs lòd yo toujou ap lite swa pou arete oubyen tenyen souf bandi sa yo. N ap raple baz Savyen an touye anpil moun deja depi lè y ap frape nan Ti Rivyè Latibonit.
