Gary Desrosiers, pòt vwa PNH la fè konnen gen yon ekip malfra ki antre nan baz UDMO ki twouve l nan Matisan 23 a, yo pote ale anpil materyèl tankou: 9mm, anpil lòt zam otimatik, yon cha blennde ak yon zam wo kalib ki rele NEGEV. Bandi yo te gen chans vire vire yo byen alèz ak zam polisye yo. Dezòd sa a fèt nan lannuit mèkredi 12 oktòb la.
Gen enfòmasyon ki rive jwenn nou ki fè kwè mesye ti Bwa yo te bezwen plis materyèl pou fè fas kare ak nèg Gran Ravin yo se sa ki lakoz yo fè atak sa a sou baz UDMO yo. Rete kouwè l ye la a pou konnen kisa PNH la pral itilize kòm estrateji pou yo rejwenn ekipman lou sa yo.
