Nan yon mesaj li pibliye sou kont tweeter li touswit aprè desizyon Luiz Abinader la, ansyen premye minis Claude Joseph di pawòl sa yo: »Prezidan Luiz Abinader entèdi m rantre an Repiblik Dominikèn. Li klase m kòm lènmi nimewo 1 rasis dominiken yo. Se pa yon sanksyon. Se yon onè. Mwen resevwa l nan non papa Desalin, Tousen ak Kristòf. Nap kontinye goumen pou konstwi peyi a nan dimansyon istwa l ».
Claude Joseph fè konnen yon lòt kote, desizyon sa a pran kont li akoz batay l ap mennen pou sove imaj pèp ayisyen an devan Repiblik Dominikèn. Ansyen minis zafè etranjè a deklare anplis se paske l pa vle Ayiti tounen fatra devan Sendomeng ki fè chwa sa a fèt kont li.
