Aprè yon konsèy Minis ki fèt vandredi 26 Dawout 2022 a, gouvènman an pran desizyon pou voye dat rantre lekòl la 3 oktòb 2022. Pa gen okenn enfòmasyon anplis yo bay pou di kisa ki pouse yo pran desizyon sila a.
Anpil vwa te gentan leve nan peyi a pou mande ministè a rekile dat relouvèti klas yo. Yon desizyon ki vini ak satisfaksyon pou kèk paran pandan gen lòt, menm si l ta rete pou janvye, sa p ap vle di anyen pou yo akoz lavi chè a. N ap raple gen plizyè lekòl anndan peyi a ki te deja kòmanse travay depi premye semèn mwa Dawout la.
