Yon jenn gason ki idantifye sou non Nelson Vicent jwenn lanmò l nan Delma 38 jodi lendi 22 dawout 2022 a nan kad manifestasyon kont lavi chè ak rate gaz la nan peyi a. Selon enfòmasyon yo, viktim nan ta resevwa 2 bal sa ki koz li rann dènye souf li sou plas.
Jodi lendi 22 dawout la, anpil kote nan peyi a leve kanpe pou denonse ensekite, lavi chè ak monte dola a nan peyi Dayiti. Nan kèk vil tankou Miragwà n, Ti Gwav, Okay ak Okap, plizyè dizèn manifestan te foule beton an pou fè pase fristrasyon fas ak pwoblèm k ap brase bil peyi a depi kèk tan.
