Maten samdi 20 Dawout 2022 a, nèg ak zam moun pa rive idantifye touye epi mete dife sou yon machin prive ki te gen anviwon 3 fanm anndan l. Yon manman ak 2 pitit fi l. Sardjie ak Sherwood Sondjie Desanclos se non 2 medam sa yo bandi boule ak tout manman yo. Selon enfòmasyon yo, medam sa yo te nan wout pou ale Legliz pandan ta gen anviwon 5 lòt ki mouri anba bal nan menm moman an tou. Zak sa a fèt nan Site Doudoun, nan komin Taba.
Viktim yo al pantan sou plizyè nèg ak zam ki t ap ransonnen moun e yo t ap tante kidnape yo. Pandan y ap fè rezistans, selon sa kèk temwen rapòte, bandi yo louvri kout zam sou yo e boule yo ak tout machin nan. Ta gen plizyè moun ki mouri ankò.
