Ministè Jistis Amerikèn depoze yon plent penal kont Jhonson André alyas “Izo 5 segond” poutèt li te kidnape yon sitwayen ameriken nan mwa mas 2023. Daprè plent lan, se Izo li menm ki te vizite otaj la epi negosye pri liberasyon an ki ta pral fèt aprè 9 jou. Ministè ameriken an di Izo fè anlèvman ak sekestrasyon e li nan trafik zam. Si yo reyisi kenbe l, li riske pase tout rès vi l nan prizon selon Miami Herald.
Daprè atik sa a ki parèt nan kolòn medya ameriken an, FBI deja sou dosye a e y ap chache Izo pou krim li fè yo.
