Dony Bossier tonbe byen bonè maten vandredi 26 jiyè a nan komin Miragwàn aprè chèf Pakè jiridiksyon sa a, Jean Ernest Muscadin te tann yon anbiskad pou li. Dony Bossier gen non l site nan kidnaping yon dam ki rele Adrienne Sevraint ki gen anviwon 80 lane nan Mòn Aken. Li te nan prizon deja men lajistis nan vil Okay te libere l, toujou selon sa komisè a rapòte. Aprè liberasyon li, Dony te konn ap plede fouye moun nan Mòn Koma.
Komisè Muscadin pa sispann fè pale de li nan Nip paske l p ap kite pay pase depi l konnen l nan move zafè.
