Kavalye pòlka Donald Trump lan ki se JD Vance desann migran ayisyen yo trè ba lè li di depi yo kòmanse antre nan peyi li a, Lopital yo pa gen kote pou resevwa moun ki fè tibèkiloz ak Sida tèlman yo anpil, lekòl yo paka travay byen paske anpil nouvo elèv pa pale anglè, lwaye kay monte tèt nèg sa ki vin lakoz moun nan vil Springfield paka bati kay. Fiti vis-prezidan Donald Trump lan di se Biden ak Kamala Harris ki lakoz tout bagay sa yo.
Misye itilize kont X li pou sal imaj ayisyen yo ak yon seri akizasyon san fondman. Imilyasyon sa yo pa di Leta ayisyen anyen jiskaprezan.
