Lidè pitit Desalin nan, Jean-Charles Moïse, pou yon dezyèm jou youn kole ak lòt te pran beton an jodi 18 novanm nan pou egzije depa prezidan Jovenel Moïse sou pouvwa a. Jan li te anonse l’ depi kèk jou, branch manifestasyon li tap dirije a te pran direksyon anbasad amerikèn ki sou wout Taba a.
Sekretè jeneral pitit desalin nan refèl ankò menm jan sa te ye ayè madi 17 vovanm lan nan vil Okap . Se nan mitan anpil militan, ansyen senatè Nò a te rive devan anbasad la pou delivre mesaj la bay blan meriken.
Yon branch manifestasyon ki pat gen twòp ensidan, ansyen senatè a pwouve a klè li se youn nan lidè ki plis popilè ki ka drene plis moun dèyèl. Malgre anpil pwent lòt manm nan opozisyon an voye sou Jean-Charles Moïse sa pa anpeche lanmou militan yo rete menm jan pou li.
Pou Jean-Charles Moise se blan meriken ki kenbe Jovenel Moïse sou pouvwa a, se rezon ki fèl te deside pou dat istorik sa al pale ak blan yo.
Jeff Jean Joseph
