Germain Paulémon ak Marc Alex Joseph ki se youn aprè lòt Direktè Jeneral ak Direktè Jeneral adjwen SMGRS detounen 197 mil 499,57 galon dizèl, sa ki reprezante pliske 125 milyon goud, daprè ULCC. Mesye sa yo konfime pou anketè ULCC yo, chak mwa, yo toujou fè wout kwochi ak gaz ki la pou enstitisyon an. Poutèt sa, anketè ULCC yo rekòmande pou yo bloke kont nèg sa yo pou yo ka remèt Leta lajan sa yo.
Anplis de sa, ULCC mande pou yo mete aksyon piblik an mouvman kont 2 Direktè sa yo ki fè gaz la pase tankou dlo nan SMGRS.
