Plizyè dizèn jenn gason ak sapat nan pye yo, gwo zam fann fwa nan men yo retounen pran kontwòl komisarya Gresye a dimanch 30 jwen 2024 la. Gen yon videyo kote zèfèyis yo ap fè pwopagann pou y ap montre kòman yo alèz anndan komisarya a. Yon aksyon ki lakoz anpil moun Gresye se wout raje yo pran. Jiskaprezan, Lapolis poko anonse si yo repran kontwòl espas la.
Gen anpil bri k ap kouri dènye jou sa yo kote bandi Viv Ansanm yo fè konnen yo pare pou afwontman ak fòs miltinasyonal la ki kòmanse rive an Ayiti.
