Anpil move je al jwenn bawon soti dimanch 29 pou bout lendi 30 desanm 2024 la. Baz Gran Grif la te vòlè anpil bèt peyizan yo, Lapolis repran yo e gen yon kay kote kriminèl yo konn ouvè kò yo, Lapolis kraze sa epi boule l. Kay ki boule yo se pou kèk ti pye sal tankou Benben ak Julcin ki se manm baz teworis sa a. Komisè gouvènman Sen Mak la, Me Veson François akonpanye plizyè inite nan Lapolis la pou traje kriminèl sa yo.
Anpil bèt tankou kabrit, kochon, bèf kriminèl yo te vòlè rejwenn mèt yo gras ak jefò vayan polisye yo.
