Se plis pase 6000 moun bandi voye nan peyi san chapo sòti janvye pou rive desanm 2024 la selon plizyè rapò ki sòti. Daprè yon rapò Nasyon Zini, sòti 2022 pou rive ane sa a, gen anviwon 12 000 moun ki tonbe anba men bandi yo. Nan tou ra kwen peyi a pou ane 2024 la, moun tonbe tankou mouch pandan mesye dam k ap dirije yo ap gagote lajan tout lajounen. Anpil nan moun sa yo, fanmi yo pa jwenn yo pou antere. Dènye gwo kanaj la, se Mikanò ki fè l sou Waf Jeremi kote l touye pliske 200 moun epi boule majorite nan yo.
Nou dwe raple tou gen plis pase 1 milyon moun k ap viv nan abri pwovizwa san yo pa konn kilè y ap retounen lakay yo. Sa pa di swadizan otorite yo anyen.
