Gwo selebrasyon nan peyi Siri aprè gwoup rebèl islamis radikal yo fin pouse do Al-Assad mete deyò nan peyi Siri. Aprè li fin chape poul li, se Vladimir Poutine ki lonje lamen ba li ak tout fanmi l. Daprè jounal TASS, Larisi ba yo azil pou rezon imanitè. Bachar te ranplase papa l ki te rele Hafez nan peyi Siri depi nan lane 2000. Manifestan yo rache imaj papa l ki te nan Damas e y ap fè gwo fèt nan moman an.
Se yon gwo soulajman pou pèp siryen an ki pase pliske 50 lane anba rejim sa a ki t ap kraze yo. Larisi mande ONU yon reyinyon an ijans sou dosye sa a.
