Premye minis Garry Conille ki se yon alye PHTK daprè anpil obsèvatè, li anndan primati. Leslie Voltaire, gwo Lavalas se nouvo prezidan Konsèy Prezidansyèl la. Plizyè moun k ap reflechi kwè ant 2 gwoup sa yo kapab gen yon bouch louvri, sitou ak dosye lajan Petwo Karibe a ki pa sispann fè eskandal depi plizyè lane. Se bon moman pou Leslie Voltaire ta remete kesyon sa a sou tab la.
Si politik an Ayiti pat konn regle an ti zanmi, se moman pou zafè Petwo Karibe a ta tou kòmanse trete yon fwa pou tout.
