Gouvènman Garry Conille an te pwomèt kit alimantè pou moun ki viktim masak Pon Sonde semèn pase a. Moun sa yo ki gaye nan komin Sen Mak resevwa yon seri kit ki pa prèske gen anyen ladan yo, daprè kèk temwen ki fè konnen yo resevwa yon diri ki rele “bout koko”, 2 ti bwat lèt, yon ti mezi pwa mayami ak 3 sachè espageti epi yon mezi sik. Anpil moun kwè demach sa a se yon fason pou Leta gagote lajan epi masakre imaj peyizan yo yon lòt fwa ankò.
Separasyon kit alimantè nan peyi d Ayiti se te toujou yon mwayen pou moun ki nan gouvènman yo fè wout kwochi ak lajan pèp la.
