Prezidan dominiken an Luis Abinader pase anviwon 4 minit ap pale de Ayiti pandan diskou li a sou tribin ofisyèl Nasyon Zini an . Prezidan dominiken an fè konnen yo fè tout sa yo kapab pou ede Ayiti sitou sou plan migratwa. Daprè Luis Abinader, majorite ti moun ki pa dominiken ki lekòl lakay li, se Ayisyen yo ye. Li fè konnen tou nan domèn sante, yo ede Ayiti anpil tou. Pou li menm, enstabilite ki gen Ayiti a reprezante yon gwo menas pou peyi li a.
Poutèt sa, Luis Abinader mande pou kominote entènasyonal la di yon mo nan koze Ayiti pandan li felisite peyi ki fè pati fòs miltinasyonal la.
