Depi 2017, Leta ayisyen pran desizyon pou yo selebre anivèsè nesans Anperè nasyon an chak 20 septanm. Ane sa a ankò, se vre gen konje, se vre gen anpil diskou k ap fèt men peyi Desalin te batay pou li a plonje nan labou. Peyi a p ap dirije, se blan ase k ap koupe rache pandan nou anba jouk lokipasyon. Moun k ap dirije jounen jodi yo pa gen okenn kran pou kanpe gade blan an nan je pou di l Ayiti bouke anba grif yo.
Ayiti tèlman sapata imaj Desalin, tout sa l te konstwi kite pou jerenasyon k ap vini yo prèske fin kraze pandan yo se patrimwà n istorik ak kiltirèl.
