Aprè yon Konsèy Minis ki fèt nan fen jounen mèkredi 18 septanm nan, 7 sou 9 manm Konsèy elektoral yo valide. Schnaida Adély reprezante sektè vodou, Patrick Saint-Hilaire pou Konferans Episkopal, Peterson Pierre-Louis pou kilt refòme, Marie Florence Mathieu pou Konferans Inivèsite a, Jacques Desrosiers pou Laprès, Jaccéus Joseph sektè peyizan, Nemrod Sanon pou sektè sendikal la. Dwa Moun ak sektè fanm poko gen moun pou fè 9 la paske jiskaprezan y ap batay antre yo.
N ap raple Konsèy Minis sa a se prezidan Konsèy Prezidansyèl la, Edgard Leblanc Fils ki te mennen l nan Vila d akèy la.
