Yon senatè Repibliken nan Eta Tekzas ki se Ted Cruz ekri sou kont X li: “svp vote pou Trump pou imigran ayisyen yo pa manje nou” pandan l poste imaj 2 chat. Se yon tweet ki deja gen pliske 18 milyon moun ki wè l sou X. Malgre Lapolis nan Ohio di yo pa janm resevwa plent kont bèt ki pèdi, sa pa anpeche Repibliken yo transfòme rimè sa a an dosye elektoral pou yo ka blaze resòtisan ayisyen yo.
“Nou pa janm resevwa plent sou zafè bèt ki pèdi oubyen ki sibi maltretans”, daprè otorite Ohio yo pandan Repibliken yo ap sal ayisyen san rete.
