Depi byen bonè maten madi 27 dawout la, plizyè inite nan PNH la ap mennen yon operasyon nan lokalite Bèlè nan Pòtoprens ak zòn ki anviwonnen l yo. Pliske 10 blennde mobilize nan kad operasyon sa a ak yon anjen lou pou kraze kay. Plizyè bandi deja vale dlo bouch selon premye eleman enfòmasyon yo pandan gen 3 ajan SWAT ki blese. Daprè yon kominike PNH la pibliye sou kont X li, 3 polisye sa yo pa blese grav.
Nan menm jounen sa a, n ap raple DG PNH la, minis Jistis la, kòmandan Kenyan ak tout premye minis la te twouve yo nan sant operasyon PNH la pou gade kisa yo ka fè ansanm.
