Roberto Alvarez, minis Zafè Etranjè dominiken an anonse sou kont X li, li enfòme minis Zafè Etranjè ayisyen an ki se Dominique Dupuy ke tout otorite ayisyèn yo kapab vwayaje Sendomeng depi yo fè demand lan. Dominique Dupuy reponn Alvarez pou l di l nan zafè louvri fwontyè a, pa gen negosiyasyon. Li di pa gen zafè privilèj pou ofisyèl ayisyen paske se tout ayisyen ki dwe gen aksè pou travèse fwontyè a selon règ yo.
Repiblik Dominikèn reponn Ayiti nan sans sa a paske ofisyèl ayisyen yo di yo pa pral nan seremoni envestiti Luis Abinader la akoz yo bloke liy ayeryèn yo ak Ayiti.
