Okenn chofè paka travèse Gresye pou ale nan Gran Sid e sa ki nan Gran Sid yo bloke tou, yo paka antre nan Kapital peyi a Pòtoprens. Tout mwayen yo konn itilize pou travèse vin enpratikab, anpil fwa yo konn peye lajan pou travèse kounye a sa prèske enposib daprè temwanyaj kèk ladan yo. Polisye ki Leyogàn ap tann ranfò pou y al atake bandi yo Gresye.
Anpil moun ki gen ijans pou ale Jakmèl, yo oblije pran moto pou pase pa Kenskòf pou y al tonbe Segen. Si pa gen anyen ki di, sitiyasyon an riske vin pi grav.
