Sou-komisarya Sen Chal nan komin Kafou pase anba flanm dife nan lannuit lendi 1e pou bout madi 2 jiyè 2024 la. Se kriminèl ak zam ki sòti Gran Ravin ki dèyè aksyon malonèt sa a daprè kèk moun ki t ap pale sou Radyo Karayib. Non sèlman yo demoli yon bon pati nan komisarya a men yo ale ak 16 pano solè, toujou daprè enfòmasyon ki bay sou radyo a.
N ap raple bilan atak ki fèt nan komin Gresye a pase a pliske 25 mò, san konte blese. Se vre gen chanjman k ap fèt nan tèt Lapolis la men bandi yo pa chome.
