Ronald Richmond, komisè gouvènman Okay la resevwa yon papye tenbre ki sòti nan Ministè Jistis jounen jedi 27 jwen an. Ladan l, mèt Carlos Hercule di komisè a yo resevwa twòp plent kont li, nan sans sa a yo mete l an disponiblite jiskaske tout bagay retounen nan lòd. Gen yon komisyon ankèt ki mete sou pye pou ankete sou akizasyon ki genyen kont Ronald Richmond yo.
Youn nan pi gwo plent ki toujou kenbe kont komisè Richmond, e SOS jounalis t ap travay fon sou dosye sa a, se lanmò jounalis Tess Garry nan vil Okay.
