Chèf gang Krisla avèk yon frè ti lapli ki rele “Dwòl” nan gwo bif nan moman an anndan Ti Bwa, nan tèt Fontamara. Nan lannwit vandredi 21 jwen an, Krisla te voye sòlda li arete Dwòl, aprè anpil traktasyon, li libere frè a. Dwòl menm pa rete la, li touye “Janjan Ti Pastè”, yon alye Krisla ki te vin arete l la, maten samdi 22 jwen an. Pandan tout jounen an, 2 gwoup yo t ap tire anpil kout bal antre yo.
Daprè kèk temwen ki pale ak yon medya nan kapital la, bandi ki anba kontwòl Dwòl yo ta deja gen kontwòl kèk kwen nan Ti Bwa ak yon lokalite ki rele” Nan Delouis”.
