Nan Mòn Zoranje sou komin Kavayon nan Sid peyi a, plizyè bandi te tann pyèj pou komisè Muscadin yo konnen ki t ap fè wout la pou al wè fanmi l. Bandi yo pete bal sou kòtèj komisè a, nan echanj kout zam, plizyè bandi tonbe sou plas, gen lòt ki blese ki chape poul yo. Aksyon sa a pase ayè dimanch 16 jwen an byen bonè nan maten aprè komisè a te fin kite Miragwàn.
Se yon abitid komisè a genyen kote chak dimanch avan l jou, li toujou travèse nan Sid pou al wè fanmi l daprè enfòmasyon nou jwenn. Komisè Muscadin mande tout Lopital nan zòn nan si yo resevwa blese pa bal, fè l konnen.
