Nouvo premye minis Garry Conille deklare yon fwa gouvènman an li an monte, l ap pouswiv tout bandi ki patisipe nan touye polisye nan peyi a, sitou 3 ajan UTAG yo ayè dimanch lan. “Mwen kondane ak tout fòs mwen zak kriminèl sa yo. Mwen kontinye pran angajman pou m batay san pran souf kont vyolans ak enpinite”, se sa premye minis la deklare nan yon videyo biwo kominikasyon Primati a mete deyò nan fen jounen an.
Li pwofite voye senpati bay pwòch ak fanmi polisye ki tonbe yo e pwomèt l ap asiste fanmi yo.
