Minis Ekonomi ak Finans peyi Dayiti a Michel Patrick Boisvert fè konnen Leta prevwa nan bidjè 2022-2023 pou l jwenn 4 milya goud pou kapab finanse aktivite elektoral yo pou lane k ap vini la a. Mesye a fè deklarasyon sa a nan kad yon entèvyou li t ap bay radyo Métropole. Bidjè pou egzèsis fiskal 2022-2023 se yon bidjè ki pa menm ka reponn ak egzijans sosyal peyi a alòske Leta li menm an fayit total.
Depi kèk jou la a, se yon koze eleksyon k ap pale nan peyi a pandan pwoblèm ensekirite a poko sou wout pou rezoud. Kesyon k ap poze se ki kote Ariel Henry ak akolit li yo pral tire kòb sa a pou fè eleksyon an?
