Nouvèl sa a tonbe jounen lendi 24 oktòb la e li sòti dirèkteman nan administrasyon Joe Biden nan. Ayiti p ap ka vann mango li a nan peyi Etazini a pati mwa janvye 2023 paske sitiyasyon ensekirite a anpeche enspektè APHIS yo travay jan sa dwe ye. Se ministè agrikilti kay Tonton Sam ki ekri ekspòtatè mango Ayiti yo nan sans sa a.
Se tout bon kriz ki egziste nan peyi a ap souse tout ti mwèl ki nan zo sosyete a. Mango fransik se youn nan ra danre ki konn pèmèt kèk travayè agrikòl rantre lajan nan pòch yo. Selon anpil moun, se pou gen yon mezi rapid ki pran pou kanpe dezòd sa yo.
